Хосуудын Зурхай

Өөрт чинь ямар жилтэй, эсвэл ямар ордын эр тохирохыг мэдэх үү? Yгүй бол танд энэ зурхайг санал болгоё.
1. Хулгана жил

Хонины орд: Маш эрч хүчтэй хулгана, тэнгэрт хөөрч явдаг
Yхрийн орд: Маш дур булаам үхэр, яг л Диснейн Джерри шиг
Ихрийн орд: Ёстой жинхэнэ харх, ямар ч занганаас мултарч чаддаг
Мэлхийн орд: Мөрөөдөгч хулгана, түүний аливаа зугаа цэнгэл ойр дотнын хүмүүсийг нь нилээд хүнд байдалд оруулдаг
Арслангийн орд: Этгээд хулгана, үргэлж өөрөө өөртэйгээ зөрчилдөж байдаг
Охины орд: Эрдэмтэн хулгана, амьдралын хамгийн будлиантай, харанхуй мухраас ч гарц олчихдог
Жинлүүрийн орд: Найрсаг энх амгаланг эрхэмлэдэг хулгана, бүгдтэй нөхөрлөдөг
Хилэнцийн орд: Хорон үгтэй хулгана, бүтээх биш нурааж сүйдлэгч
Нумын орд: Эрч хүчтэй хулгана мөнгө хураах дуртай, хурааж ч чаддаг
Матрын орд: Баригдашгүй хэрнээ их хатуу чанд хулгана, аманд нь хуруугаа хийчихэв
Хумхын орд: Их мэдэгч, зохиож ярих авьяастай
Загасны орд: Дүрслэх, сэтгэлгээ сайн хөгжсөн, харамсалтай нь өөрийн тэнэгээс болоод бүхнийг чадна

Хулгана ба үхэр жилд төрөгсөд бие биедээ маш гайхалтай хайр сэтгэлтэй болно. Хулгана ба бичийн хооронд гал халуун янагийн харьцаа үүсдэг, хулгана ба луу оч шиг харьцаатай, харин хулгана жилтнүүд их хичээвэл могой, бар, нохой, гахай, хулгана жилтэнтэй янагийн харьцаа тогтоож болох юм, гэхдээ хэзээ ч морь жилтэнтэй таарахгүй, харш.

2. Үхэр жил
Хонины орд: Нэр алдарт үхэр, суусан газраасаа шороо атгана
Yхрийн орд: Энхрий ялдам, гэхдээ үхэр бол Африкт ч үхэр шүү дээ
Ихрийн орд: Нэг л буурь суурьтай үхэр
Мэлхийн орд: Yхэр биш мэт аашилдаг, өөрийн хөдөлмөрийн үр дүнгээ хэзээ ч ашиглаж чаддаггүй нь харамсалтай
Арслангийн орд: Ялагч үхэр, бас бүтээгч
Охины орд: Жаахан гунигтай үхэр, түүнд шинэ ногоогоо үмхэлж байсан нь дээр дээ
Жинлүүрийн орд: Нийтэч, их яриа учраас тагнуул хүнд их ашигтай
Хилэнцийн орд: Аюултай үхэр, зөрүүд гөжүүд, түүнийг зогсоох гэж оролдсоны оронд дэлбэлсэн нь дээр
Нумын орд: Амгалан үхэр, үхэр биш могой л гэсэн үг. Эсрэг хүйснийхнээ шохоорхон ширтэх дуртай, харин дараа нь ёстой тоглоомгүй дурладаг
Матрын орд: Түүнтэй элдэв тоглоом шоглоом хийхгүй байсан нь дээр
Хумхын орд: Маш нарийн мэдрэмжтэй үхэр /маш ховор ч/
Загасны орд: Удирдаж залах аргагүй үхэр, ялангуяа хайр сэтгэлийн хувьд…

Yхэр жилд төрөгсөд тахиатай толгой эргэм сайхан дурлалцана. Могойтой энхрий ялдам харьцаа тогтооно, хулганатай удаан үргэлжилсэн романтик харьцаатай байдаг. Луу, туулай, бич, гахай, үхэр жилтнүүдтэй амрагийн холбоо тогтооход нилээд хэцүү, харин хэзээ ч хонь жилтэнтэй хайр сэтгэлтэй болж чадахгүй.

3. Бар жил
Хонины орд: Аянга шиг бар, хүсвэл дууны хурдыг ч давтал хурдална
Yхрийн орд: Тогтвортой бар, амьдрал дээр бусадтай л адил
Ихрийн орд: Хамгийн галзуу зүйлийг ч сэдэж мэдэх бар, тэр чигээрээ адал явдал
Мэлхийн орд: Идэвх султай бар, амьдралын хэв маяг хэвтээ, үгүй ядаж л суугаа
Арслангийн орд: Бар шиг биш харин жинхэнэ арслан мэт өөрийгөө авч явдаг
Охины орд: Их практик, ямар ч тохиолдолд өөрийнхөө зорьсонд хүрдэг. Дээр нь хамгийн найдвартай бар шүү.
Жинлүүрийн орд: Сургуультай бар, их таатай анд
Хилэнцийн орд: Нилээд төвөгтэй бар, тэр юу ч хийж мэднэ
Нумын орд: Жинхэнэ бар шиг хол явж чадна, дэндүү хол иймээс ядаж заримдаа түүнийг уяж хорих хэрэгтэй
Матрын орд: Их хэрсүү бар, уснаас ч хуурай гарч ирж чаддаг
Хумхын орд: Ухаантай бар, гэхдээ үнэнийг хэлэхэд өөрөө ч түүнд итгэдэггүй
Загасны орд: Зугаатай бар, гэвч осолтой, ялангуяа өөртөө. Харин бусдын хувьд соронзон шиг сэтгэл татам.

Бар ба нохой жилтнүүд агуу их хайраар холбогдоно, эсвэл луу, морьтой, хулгана, туулай, үхэр, бар, тахиа, хонь, гахай жилтнүүдтэй дажгүй амьдарна, харин хэзээ ч бичтэй тэр тусмаа могойтой холбоо тогтоож огт болохгүй.

4.Туулай жил
Хонины орд: Ёстой зэрлэг, аальгүй хэрнээ аймшигтай аварга туулай.
Yхрийн орд: Их ялдам, өөрийгөө арьсны ширхгийн дагуу илүүлж таалуулах дуртай
Ихрийн орд: Гэрийн сургуультай, хамгийн тайван туулай
Мэлхийн орд: Их залхуу туулай, арай дэндүү ажилгүй
Арслангийн орд: Бар шиг туулай, гэхдээ нилээд номхон, түрэмгий биш
Охины орд: Мэргэн туулай, гэхдээ адал явдал ба эрсдэлд дуртай
Жинлүүрийн орд: Дур булаам туулай, бүгд л түүнд унаж үхдэг
Хилэнцийн орд: Илбэчин туулай, шидтэн, түүнтэй хэзээ ч тоглож болохгүй
Нумын орд: Онцгой туулай, бусдаас хамгийн шилдэг туулай
Матрын орд: Гуниглангуй, байнга нойрмог бөгөөд нийтэч бус туулай
Хумхын орд: Авьяаслаг туулай, түүнтэй хаа ч хэзээ ч явахад аятай. Жинхэнэ анд найз
Загасны орд: Туулайгийн квадрат, эсвэл куб туулай гэсэн үг. Түүнтэй хамт байхад ёстой янзтай

Туулай жилтнүүд хэрэв нохойтой учирвал гал халуун роман үүснэ. Гахайтай бол хил хязгааргүй галзуу тачаалтай учирна. Хоньтой бол хүлээж байснаас ч илүү аятайхан цагийг өнгөрөөнө. Хүсвэл луу, хулгана, туулай жилтэнтэй холбоо тогтоож болно, харин тахиатай бол мөрөөдөөд ч хэрэггүй, ёстой бүтэхгүй.

5.Луу жил
Хонины орд: Агуу луу, хаа ч хамаагүй, нүд аниад ч болсон зүтгэж гарна
Yхрийн орд: Амттай луу, чихэр л гэсэн үг. Гэхдээ саваа модгүй
Ихрийн орд: Олон өнгөт луу, хурц тод гэрлээр гялалзаж өгнө
Мэлхийн орд: Yүлэн дунд хөөрч, элсэн цамхаг босгогч
Арслангийн орд: Дэндүү луу, заримдаа залхмаар болдог
Охины орд: Аливааг ягштал баримтлагч луу, үлгэрийн биш ганц луу тул итгэж болно.
Жинлүүрийн орд: Гадна төрх маш хувирамтгай, итгээгүй нь дээр
Хилэнцийн орд: Өргөстэй луу, түүнийг оролдвол өөрийгөө түлнэ шүү
Нумын орд: Хамгийн амгалан луу, түүнд найдаж болно
Матрын орд: Даруухан луу, луу гэхэд итгэмээргүй, барагтайд анзаарагдамгүй
Хумхын орд: Далдыг харагч луу, өөртөө шүүмжлэлтэй ханддаг
Загасны орд: Супер луу, мэргэн ухаан, урам зориг дүүрэн.

Луу жил төрөгсөд тахиа жилтнүүдтэй маш гоё дурлалцана. Хулганатай авсанд ортол үүрд хамт, бич жилтнүүдтэй кинон дээрх шиг хайр үүснэ. Луу, гахай, хонь, морь жилтнүүдтэй амрагийн холбоо тогтоож болно, бас ч бар дажгүй. Харин нохойтой танилцсаны ч хэрэггүй.

6.Могой жил
Хонины орд: Аварга могой, залгичихаж мэднэ, чи өөрөө ч анзаарахгүй
Yхрийн орд: Гоо үзэсгэлэнт наж могой, ер бусын дур булаам
Ихрийн орд: Хөдөлгөөнтэй бөгөөд хувирамтгай могой
Мэлхийн орд: Түүнийг хөдөлгөж амь оруулах хэрэгтэй
Арслангийн орд: Идэвхтэй могой, их үнэтэй өөрөөр хэлбэл маш ховор, үнэт эрдэнэ шиг гоё сайхан гэсэн үг
Охины орд: Нүдний шилт могой, гоё этгээд зүйлд дуртай, ашиглаж чаддаг
Жинлүүрийн орд: Yнэнч шударга байхааргүй хэтэрхий эелдэг, нялуун, ховсдож мэднэ
Хилэнцийн орд: Хэнээр ч хардалтын хар алимыг хазуулж дөнгөнө
Нумын орд: Шийдмэг могой, тавьсан өндөр зорилгодоо ямагт хүрдэг, гэхдээ ямар аргаар гэдэг нь мэдэхгүй
Матрын орд: Гүн ухаанч могой, хэмжээлшгүй унаантай ч хэрэглэж мэддэггүй
Хумхын орд: Урин тачаангуй, нууцлаг, оньсого шиг, ирээдүйг зөгнөж чадна
Загасны орд: Усны бөгөөд хүйтэн цуст могой

Могой жилтнүүд үхэр ба ялангуяа тахиаг ухаанаа алдтал өөртөө дурлуулж чадна, тэдний дурлал удаан бөгөөд галзуу байна. Морь, могой, луу, туулай, хулгана жилтнүүдтэй дурлал, үл ойлголцлын аль аль нь байна. Харин хонинд дөхөж очих ч хэрэггүй.

7.Морь жил
Хонины орд: Хурдын халуун морь, тархи толгойтой гэх шинж ч алга
Yхрийн орд: Амиа хичээгч биш, бууж өгч магадгүй
Ихрийн орд: Цэвэр усны морь, хэзээ ч байрандаа зогсож чаддаггүй
Мэлхийн орд: Манежийн морь, бүхэл амьдралынхаа туршид тойргоор гүйхэд бэлэн. Гэхдээ ингэх хэрэгтэй юу гэдэг л асуулт байна.
Арслангийн орд: Кентавр, юу ч хийж чадна, гэхдээ зөвхөн өөрийнхөө тухай л боддог
Охины орд: Гүймхий морь, хувирамтгай, бага зэрэг хэрсүү байдал нь ч түүнийг аврахгүй
Жинлүүрийн орд: Циркийн морь, султаныг толгой дээрээ суулгаад бүжиглэж чадна, ер нь тархиндаа орсон болгоныг хийж мэднэ
Хилэнцийн орд: Зэрлэг морь, мустанг, эмнэг
Нумын орд: Ажлын морь, элдэв аашгүй
Матрын орд: Хариуцлагатай морь, онцгой
Хумхын орд: Унадаг морь, хүсвэл хэнийг ч ямар ч зайнаас гүйцэж чадна
Загасны орд: Сэтгэл догдлом, дэндүү аашилж байхдаа ч бодлогошронгуй морь

Морь ба бар төгс дурлалт хос болно. Нохойтой агуу тачаал, хоньтой гоё сайхан, роман үүснэ, харин тахиа, гахай, бич, могой, луутай нилээд хэцүү ч сайхан дурлалцана, харин хулганатай бол хайр сэтгэл бүтэхгүй.

8.Хонь жил
Хонины орд: Тэмцэгч хонь, хамгийн гол нь ялагч хонь
Yхрийн орд: Сэтгэл татам, жаахан залхуу хонь, залхуу хэтэрвэл баларч магадгүй
Ихрийн орд: Ааштай хонь, түүний элдэв үйлдлийн эсрэг хүчтэй тэмцэх хэрэгтэй
Мэлхийн орд: Сайхан сэтгэлт, сайн хонь
Арслангийн орд: Бардам, олон хүнд үл ойлгогдом хонь, хэн нэгэнд сэтгэлээ нээх нь нэн ховор
Охины орд: Эелдэг заримдаа жаахан яршигтай гэмээр хонь
Жинлүүрийн орд: Ялагч хонь, түүнтэй амрагийн харьцаа үүсгэвэл болгоомжтой бай, араар тавьж мэднэ
Хилэнцийн орд: Тачаангуй хонь, чадварлаг бөгөөд осолтой. Хурц эвэртэй шүү.
Нумын орд: Шийдмэг ба их ашигтай хонь
Матрын орд: Бодлогошронгуй, хэрсүү хонь. Юунд ч бэлэн бөгөөд агуу сэтгэгч, зөгнөгч
Хумхын орд: Ухаанаа хувирамтгай аашиндаа захируулсан хонь, бусдыг огт тоохгүй.
Загасны орд: Урам зоригтой хонь, юунд ч амжилт гаргаж чадна, гэхдээ алдрын оргилд хүрэхдээ жаахан аашгүйтдэг

Хонь ба туулай жилтнүүд анхны харцаар л дурлалцах ба харин хонь жил төрөгсөд хонь, гахайтай кинонд өгүүлдэг шиг сайхан дурлалцана. Морьтой бүх юм үргэлж хэтрүүлэгтэй. Бар, могой, луутай бол жааан асуудалтай, харин нохой, үхэртэй орооцолдох ч хэрэггүй.

9.Бич жил
Хонины орд: Төвөгтэй ааштай, хүнд бич
Yхрийн орд: Гэмгүй бич, өмгөөлөл эрсэн мэт
Ихрийн орд: Хурц ааштай бич, өнгө өнгийн савангийн хөөс хийсгэж, бүгдийн толгойг эргүүлчихэж дөнгөнө
Мэлхийн орд: Сайхан сэтгэлт бич, сүүлчийн гадил жимсээ ч өгнө
Арслангийн орд: Халуун янаг бич, хажуудаа хэнийг ч сүүлнээс нь чангааж байгаад ч хамаагүй торгоож дөнгөнө
Охины орд: Дэвхрэг бич, хоногийн 24 цагийн турш мөчрөөс мөчирт дүүлнэ
Жинлүүрийн орд: Олсон дээгүүр явагч бич, амьдралынхаа туршид тогтвортой тэнцвэрт байдал руу тэмүүлдэг. Таалагдах хүслээсээ болж өөрийгөө сүйрүүлж мэднэ
Хилэнцийн орд: Дэндүү этгээд, нууцтай шуудай гэсэн үг
Нумын орд: Хорвоогийн хамгийн сониуч бич
Матрын орд: Дэндүү шохоорхуу бич, гэвч бүх юм харьцангуй шүү дээ
Хумхын орд: Хянуур бич, өөрийн нарийн тоглоомоо нуудаг
Загасны орд: Зохион бүтээгч бич, дандаа хамгийн өндөр дал модон дээр сууж байдаг

Бич нь хулгана ба луутай хайр сэтгэлээ дэндүү сайхан ойлголцоно. Харин нохой, бич, хонь, туулайтай бол нилээд хэцүү байна. Бар, гахай, могойтой бол сээтэгнэх ч хэрэггүй.

10.Тахиа жил
Хонины орд: Ёстой дайчин тахиа, алхам бүртээ л дайн дэгдээж үгүй ядаж том хэрүүл маргаан үүсгэх арга саам эрж байдаг.
Yхрийн орд: Амгалан тахиа, амттанд дуртай
Ихрийн орд: Мөнхийн тулаан, түүний хажууд байгаа хүмүүст амар жимэр амьдрал зөвхөн зүүдлэгдэх болно.
Мэлхийн орд: Нээлттэй тахиа, гэхдээ түүнийг хялбархан “гол гаргаж болно”.
Арслангийн орд: Аймшиггүй тахиа, амиа ч өгөхөөс буцахгүй. Гэхдээ хэний төлөө, юуны төлөө гэдэг нь чухал биш.
Охины орд: Маш хурц хумстай тахиа
Жинлүүрийн орд: Дипломат тахиа, хэнтэй ч аальгүйтэж, дор нь толгойг нь эргүүлж дөнгөнө
Хилэнцийн орд: Хамгийн мундаг, хурц ухаантай тахиа, хүссэнээ хийж чадна
Нумын орд: Yнэнч тахиа, хүссэнээсээ илүү үнэнч байж чадна
Матрын орд: Бүх талаараа маш ховор шувуу, торонд суулгамаар
Хумхын орд: Зөвхөн өөрт хамаатай асуудлыг л авч үздэг, бусад нь яаж ч байсан хамаа алга
Загасны орд: Дээврийн азарган тахиа, түүнийг бүгд сонсож харна

Тахиа ба луу бие биедээ ухаангүй дурлаж, маш сайхан ойлголцоно. Тахиа жилтнүүд могой ба үхэртэй түргэн зуур гайхалтай харилцаа тогтооно, харин туулай, тахиа, нохой, хулганатай нилээд анхааралтай хамгийн гол нь болгоомжтой дурлалц. Тахиа жилтнүүд хэрэв хуягласан хаалга мөргөх л гээгүй бол гахай, хонь, морь, бар, бичтэй аальгүйтэх хэрэггүй.

11.Нохой жил
Хонины орд: Ямар ч манан, харанхуйг нэвтэлж хүрч ирнэ. Эзэндээ маш үнэнч нохой
Yхрийн орд: Маш үнэрч, ялангуяа амьдралын аль сайн сайхан болгоныг мэдрэхдээ сүрхий.
Ихрийн орд: Эрдэмтэн нохой, ялангуяа гоё сайхан дурлал ба сээтэгнэх урлагийн хувьд.
Мэлхийн орд: Ямар ч мөрийг олж чадна, хүсвэл үхсэнийг ч олоод ирнэ
Арслангийн орд: Сайхан хуцдаг, ганц хуцахад л бүгд үг дуугүй захирагдана
Охины орд: Шилмэл үүлдрийн нохой, бүх талаараа
Жинлүүрийн орд: Нууцлаг, тааваргүй оньсого мэт, тодорхойлохын аргагүй
Хилэнцийн орд: Түүнд хазуулж л болохгүй, үхлийн зуулттай
Нумын орд: Эр хүчтэй, зогсоох аргагүй нохой
Матрын орд: Болгоомжтой нохой, түүнд найдаж болно
Хумхын орд: Маш сэтгэл булаам нохой, бас тэгээд моодны, ухаантай
Загасны орд: Өвөрмөц нохой, сайхан сэлдэг, гүн шумбадаг

Нохой ба морь галын буудлага шиг гайхамшигтай сайхан дурлалцана. Мөн нохой ба туулай, нохой ба бар ч адил. Харин бич, гахайтай янаг амрагийн харьцаа нилээд ээдрээтэй байна. Могой ба хулганатай амрагийн холбоо тогтоох хэцүүвтэр. Нохой жилтнүүд харин хонь ба луутай хэзээ ч харилцаа тогтоож болохгүй.

12.Гахай жил
Хонины орд: Янаг хонгор гахай, халуун зүрх, хатуу туурай
Yхрийн орд: Дотроо бол гахайн торой л гэсэн үг. Маш дур булаам
Ихрийн орд: Бага жааханд нь эцэг эх, дотнын хүмүүс нь зогсоочихгүй бол хол явах гахай
Мэлхийн орд: Энхрий ялдам гахай, маш дурламтгай
Арслангийн орд: Дээд зэргийн нисэгч
Охины орд: Мөнгө цуглуулагч гахай, их баян болно, голдуу залуудаа
Жинлүүрийн орд: Сэтгэл татам, энгийн гахай. Түүнд бүгд л сайн.
Хилэнцийн орд: Ширүүн дориун гахай, хэцүү ааштай
Нумын орд: Логик сэтгэлгээтэй, үргэлж хэзээ, хаана, ямар үнэтэйг мэдэж байдаг
Матрын орд: Гахай гэхэд дэндүү хатуу, гэхдээ бүгд үүний энэ занг өршөөдөг
Хумхын орд: Аятайхан гахай, үүрд энэ хэвээр анхаарлын төвд байна.
Загасны орд: Магтаал сайшаалд дуртай, урам зоригтой гахай, үргэлж л магтаалд умбаж байдаг.

Хэрэв гахай жилтэн туулай ба хоньд дурлавал үлгэрийн мэт маш сайхан харьцаа үүснэ. Харин нохой, хоёр талаасаа нилээд хичээж байж тахиа, луутай хайрын холбоотой байна. Yхэр, хулганатай энгийн биш харилцаа тогтоох ба хүсвэл хайр болон хувирч магадгүй. Могойтой бол ямар ч хайр дурлал байж болохгүй, бүтэх ч үгүй

Posted on Хоёр дугаар сар 22, 2013, in Зурхай. Bookmark the permalink. Сэтгэгдэл үлдээх.

Хариу үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

%d bloggers like this: